Friday, September 30, 2005

* Siak Daytoy, Inramanko Ida..





Iti ngato, ni Juan S.P. Hidalgo Jr, ket iti babaenna, makitanak...Sansanuong a nakiabay ken Dr. Ariel S. Agcaoili iti UP Diliman, Q.C. ngem adda kanon idiay US. Naala daytoy idiay Resort ni Apo Jose Bragado, Santa, Ilocos, Sur - circa 2000.

3 Comments:

At 1:52 AM, Blogger ariel said...

Hi John,
Daytan a ladawan ti malaglagipko pay laeng. Ala, igaedtay latta ngarud ti agkuribot.
Manong A

 
At 9:57 AM, Blogger Lorenzo G. Tabin said...

mayat ti kuribotmo, Ani. Kinapudnona, nabayagen a nagsursuratak iti impapanko a mangbaliw iti 'naimbannawagan' nga estilo, ngem limitado ta nakuna naminsan ti maysa kadagidi editor nga 'aginlalaing'. Napaisemkami ken ni manangmo a Samar iti rasawmo a 'sinal-it'. Nagkurkuribotak met idi, baka kunam a sika laeng! Nagtaltalaytayak iti tambak, nagringringiad dagiti dapanko kadagiti rengngat ti kinelleng. Nagdigdigosak iti karayan. Naglanglangoyak iti baybay, a nakaal-alikupan dagiti dapanko (dimo la ketdi ammo ti al-alikup iti tangrib a mangrud-ak 'ta dapan no dika agusar iti palluka; nagubingak iti bantay ken patad sa nagbaruak iti igid ti baybay...) Kunak manen, nagkalaeganen ti paraangan ti literatura ti ilokano. Maysa pay a nadlawko ti 'pannakabaybay-a' ti lengguahe (diak kayat nga awagan iti dialekto 'laeng') nga Iluko. Adun dagiti agtutubo iti kailokuan nga ad-adda pay ketdin a Tagalog (Filipino? Pilipino?) ti us-usarenda nga agsasarita. Panagkunak, tapno maipamaysa ti pannakapasantak ti literatura ti Ilokano, rebbengen ti TMI Pilipinas nga iturong ti imatangna kadagitoy a kaso. Padasen met ti TMI America ken Global nga isagpat dagitoy a kapanunotan ket idatagda iti sangalubongan tapno husgaan dagiti saan a Filipino ti kinasiasino dagiti mannurat nga Ilokano. Ti kunak, sa la mapadur'as ti literaturatayo no bumallasiwtayo iti eksperimentasion manipud iti tradisonal, nupay diak met kunaen nga awan ti nanganan ti tradisional ta isu ti immuna a nagsursuruak a nagsurat. Adu dagiti sinuratko a di naipablaak iti Bannawag gapu iti panangpadasko a 'bumallasiw'. Maawatantayo met ngata no apay nga ar-aramiden ti Bannawag ti kasta--negisio ngamin. Papanantayo nga agessem iti eksperimental? No agsurattayo a saan a gapu iti kuarta, ngarud, ala, mulmulantayo, a, ti sara ti saungan, agsakaytayo iti bukot ti panniki, agpaklebtayo iti bukot ti buaya, wenno ania payen dita. Ngem maaramidtayo la ngata ti kastoy no adda sabali a pamataudantayo iti isubotayo tapno saan a magsat ti angestayo. Ngem no sisasaganatayo nga agtungtunglab nga agsurat, sige latta ngarud; ta uray ket nabayag metten nga agtungtunglabak, uray ita nga addaak ditoy America.
Manen, napintas daytoy kuribotmo, nalaglagda ngem dagidi kuribot nga imbukbukotmi idi mapankami mangruruot agtudtudo man wenno agin-init.

 
At 10:03 AM, Blogger Lorenzo G. Tabin said...

biddut pay ti ispeling 'diay naganko! Ken daydiay mapadur-as. Ken mainayonko: nabayag met a 'nagnunnunogak' kadagiti 'imbornal' ti Manila!

 

Post a Comment

<< Home


Powered by Blogger